ឯកឧត្តម ឡាន់ ឆន និងគណៈប្រតិភូមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ អញ្ជើញជួបពិភាក្សាការងារជាមួយថ្នាក់ដឹកនាំក្រសួងសុខាភិបាលកម្ពុជា
នាព្រឹកថ្ងៃចន្ទ ទី២៣ ខែមិថុនា ឆ្នាំ២០២៥ ឯកឧត្តម ឡាន់ ឆន អនុប្រធានគណៈកម្មការអង្កេត បោសសម្អាត និងប្រឆាំងអំពើពុករលួយ នៃព្រឹទ្ធសភា (គណៈកម្មការទី១០) និងគណៈប្រតិភូមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ ដឹកនាំដោយលោក គីម ជុងណាម (Kim Jung-Nam) ប្រធានមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ បានអញ្ជើញជួបពិភាក្សាការងារជាមួយថ្នាក់ដឹកនាំក្រសួងសុខាភិបាលកម្ពុជា ដឹកនាំដោយឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល នៅទីស្តីការក្រសួងសុខាភិបាល។
ជំនួបខាងលើនេះ ក្នុងគោលបំណងដើម្បីជម្រាបជូនអំពីជំនួយអាហាររូបករណ៍គ្រូពេទ្យសម្រាប់១០នាក់ ក្នុងមួយឆ្នាំ (ផ្នែកវះកាត់ឆ្អឹង និងប្រព័ន្ធប្រសាទ) និងការរៀបចំរថយន្តសង្គ្រោះបន្ទាន់សម្រាប់ដឹកជញ្ជូនអ្នកជំងឺតាមប្រព័ន្ធAI …។
ប្រភព៖ នាយកដ្ឋានព័ត៌មាន
